完了~

由於幾日假既關係,今日ot到11點幾先走,真係好耐好耐未試過啦....

返屋企途中,忽然有種好孤獨既感覺.....

前兩日再次同你談論起我地之間既問題(正確黎講,根本唔算得上係談論,因為一路你都無出過聲...),其實我無期望我地相處上,會因為呢一次既對話而有咩大既改變,但至少我想話你知我點諗,同時亦好希望知道你到底諗緊d咩....可惜,你既反應同次一樣....係你真係唔覺得有問題?定係你無諗住正視個問題?

曾經講過兩個人相處要坦白既你,點解依家反而係你變得收收埋埋??咩都唔肯講呢??呢兩日,大家變得更陌生,或許,我地應該好好諗下,到底仲可唔可以落去...

一朝早富達就比個惡耗我,唔見左d/o???救命呀!!!!!加上其他麻煩野,搞到成朝都好唔得閒,真係想死......好彩最後都搵得返,虛驚一場,唉.....老老地,我唔嚇得架啦,好彩今日唔使開會jei,唔係都唔知....

2009年4月4日(星期六)

今日係紅日,但都一樣要好早起身,因為依家放假多左個節目,就係去看鋪~

成朝都唔多人,我諗D人去晒拜山卦,到下午就好D,由8點幾開鋪一直做到6點幾我個妹黎我先走,依家我愈來愈識得同D師奶&賓賓打交道啦,哈~

夜晚約左阿基去沙田食飯,之後就幫我個妹去MK拎BB衫,好累好眼訓既一日....

2009年4月5日(星期日)

今日唔使一朝早去開鋪,因為媽咪叫我訓晏D,不過晏極都係9點幾就要起身....1星期返足7日工,勁呀~

由於星期日既關係,今日人流真係多左好多呀!!!好多賓賓黎買野,哈~~忙得幾開心既一日~下午,媽咪,老豆,威哥,彭太,BB都陸續黎左,好熱鬧~~

決定達標先收工,好彩好快就做夠數,yeah~~~7點幾就走得lu~~bb好叻叻,識得拎掃把幫手掃地,笑死我地~~

2009年4月2日(星期二)

好驚險既一日,比bg隻櫃玩死咁滯,放左工仲要跟櫃,頂!次次都係咁,d貨又鬼死咁晏先到倉,又話朝早到,點知就成4點幾先到,明知late come得2000,裝得黎過埋關,0係hk加埋貨,神仙都趕唔到啦,好彩最後船公司肯比到2300先岩岩好趕得切jei,唔係又唔知點算....

夾0係中間真係好難做,拖頭又好話我好約得佢早,又要向船公司求late come,叫個客走下一水又話唔得,呢樣又唔得0個樣又唔得,趕唔到又好似係我錯咁,趕得到又唔該都無聲,真係好嬲呀!!!!!!!!